Über uns

Inhaberin und Geschäftsführerin Irene Nöthiger stellt sich selbst vor:
Aso i han as Meitli emmer wele verchaufe, han ame Konschtblueme-gsteck verchauft ond Chetteli kreiert oder die berüemte Hamaperle-Beldli und emmer gärn was kreiert oder öbis kreativs gmacht.

Denn esches omne Lehrstell gange, da ich Floreschdin han wele mache aber nüt gfonde han beni zersch 3 johr as Gärtnerin ed Lehr 2 Johr Gartebauschuel und es Praktikm bem Hueber Waldhüsere. Denn hani gad dLehr as Floreschdin gmacht ond net ufgäh be a verschedne Ort gsi und de am Schloss bem Nast en Suhr wo de aber wege pensionierig zue gange esch.
i han scho lang lang wele sälbständig werde, do esch d Chance gsi; dorne Zuefall  grad e läre rum gseh wonimi gad wohl gfüehlt han aso hani d Chance ergreffe. Vom vorherige Gschäft hani es paar antiki Möbel chöne öbernoh und ha si gad e neu lade do. ennerhalb vore woche hets de gad müesse fertig si .

Ond ja es het glängt do steit mi Lade.

Dasch de Verlauf gse ond ez zum Lade sälber. Es esch es Atelier met vielerlei sache .
Eg due gärn de metmönsche Freude bereite, ob grossi oder chlini..froge darfme au emmer sget emmer en Lösig. Sigs Dekoratione, Hochzitsaglägeheite, Brutstrüss oder au Trurfäll, i duesi gärn berote passend zo jedere Person probier au Wönsch zerfölle vode Vorstellig jedere Person zueghörig. Dezue chame bi mer eifach au met paar lüt chli härehöckle und en Kafi oder Cola trenke ond sech vom autag chli erhole